MAJI YA ZIDI KUTAFUNA BARABARA KIVUKONI KILOMBERO

 

Moja ya eneo la barabara ya Kivukoni upande wa Ifakara iliyoathiriwa na maji

•  Wachina wapagawa, wafanya kazi usiku na mchana
• Makalavati ya hitajika
• Miundo mbinu ya daraja la kilombero/Ulanga kubadirishwa.

Hali ya barabara kati ya ulanga na kilombero katika eneo la kivukoni upande wa ifakara imeendelea kuwa mbaya kutokana na wakandarasi kushindwa kudhibiti maji yanayo bomoa barabara hiyo.

Kwa mujibu wa maelezo ya Mkandarasi mshauri bwana Saidi Atikhula amesema maji yameongezeka kwa kiasi kikubwa mno na yamekuwa na kasi kubwa hali inayofanya shuhuli nzima ya kuweka mawe ili kuziba maeneo yaliyobomoka kuwa ngumu.

katapila likiendelea na kazi

Bwana Atikhula amesema hadi jana wamesha mwaga zaidi ya tripu136 za mawe katia maeneo yaliyo katika barabara lakini maji yamekuwa na nguvu na kubomoa barabara sehemu nyingine, ambapo hadi hivi sasa barabara imekatika mara 3 huku maeneo mengine yakiendelea kubomoka.

Aidha  amesema kuwa, shughuli ya uwekaji mawe haifai kutatua tatizo hilo, isipokuwa nikutafuta makaravati na kuweka katika maeneo ambayo barabara imekatika, na itahitaji kusubiri maji yapunguwe na kwamba kwa sasa wao hawana vifaa hivyo na wameshindwa kuendelea na uzibaji wa maeneo hayo.

Mkandarasi mshauri SAIDI ATIKHULA wapili kutoka kulia akitoa ufafanuzi kwa mkuu wa wilaya  ya Ulanga Francis Mitti

Atikhula akizungumza mbele ya mkuu wa wilaya ya ulanga, Francis Mitti amesema maji yamejaa zaidi ya kipimo cha mwisho cha ujazo wa maji katika mto  Kilombero na kuna hatari ya barabara nzima kusombwa na maji katika eneo hilo la kivukoni.

Eneo linalo jazwa mawe

Nini kilicho amuliwa?

Mkandarasi amemweleza kwa njia ya simu meneja wa barabara Mkoa juu ya tatizo zima na imeamuliwa yatafutwe makalavati kutoka maeneo mbalimbali ilikuja kutatua tatizo hilo.

Wakati huo huo hali ya usafiri katika eneo hilo imeendelea kuwa ngumu baada ya maji kuongezeka kutokana na mvua zinazoendelea kunyesha ambapo umbali wa kusafiri kwa boti umekuwa nimkubwa zaidi.

Abilia wakipanda boat

Mapema nauli ya boti ilikuwa ni shilingi 2000 kwa mtu mmoja kabla ya mkuu wa wilaya ya ulanga kushauliana na waendesha boti hizo baada ya kusikia malalamiko ya wananchi na wasafiri katika eneo hilo la kivukoni  na kufikia shilingi 1500 huku mitumbwi ikipigwa marufuku kutoa huduma.

kivuko kikiwa kimepaki kivukoni

Matumaini ya kivuko kilicho simamishwa kuvusha watu na mali zao kurejea kufanya kazi ni madogo kutokana na maji hayo kuongezeka ambapo hadi jana maji yalikuwa yameongezeka ujazo wa mita 9 kutoka ujazo wa kawaida wakuweza kivuko hicho kufanya kazi. kivuko kinahitaji maji yapunguwe kwa ujazo wa mita 3 hadi nne ili kiweze kufanya kazi angalau kwa kubeba watu wachache na magarin na mizigo.

Hali ya bidhaa Mahenge ulanga ikoje?

Hali ya bidhaa mbalimbali katika wilaya ya ulanga   imeanza kupanda ambapo mafuta ya petroli katika mji wa Mwaya ni shilingi 3000 kwa lita huku Lupiro ikiwa ni shilingi 2500, vileo katika mji wa mahenge katika baadhi ya baa bia zimefikia shilingi 2500 kwa chupa huku chipsi kavu zikiuzwa 1500  chipsi mayai 2500.

Bidhaa zikiwa ndani ya mtumbwi

Hali ya kupanda bidhaa inawezekana ikaendelea  kutokana  na kuwepo kwa ugumu wa uvushaji katika mto kilombero ambapo wafanya biashara wamekuwa wakitozwa bei kubwa ya usafirishaji.

UJENZI WA DARAJA HALI IKOJE? 

Kwa mujibu wa Said Atikhula ambaye ndie msimamizi na mshauri wa mradi wa daraja la mto kilombero amesema kunahaja ya kubadili eneo lililopangwa kujengwa daraja hilo.

Moja ya kalavati likiwa limezama kwenyemaji

Amesema amefanya mawasiliano na watafiti (planers) ambao watafika kabla ya maji kupungua ili kutafiti eneo jingine la kujenga makalavati na daraja hilo ambapo litahitaji zaidi ya makalavati 56 ili kuweza kupambana na maji hayo.

Atikhula  amesema shughuli zote zimesimama hadi hapo maji yatakapo pungua kwa sababu eneo lote limezungukwa na maji.

UKWELI NI UPI JUU YA MCHINA ALIYE JINYONGA?

Kwa mujibu wa  Said Atikhula mchina aliyejinyonga hausiani na shughuli ya ujenzi wa daraja na alikuwepo ifakara eneo la kivukoni kwa muda wa siku 15 tu na alikuwa anamatatizo yakifamilia huko kwao china naalikuja nchini kupumzika,

Ndugu na rafiki wa mchina aliyejinyonga wakitoa ufafanuzi msichana ni mkalimani wa wachina

Amesema kijana huyo wa kichina  aliyefahamika kwa jina la Qin Baofeng hana utaalamu wowo juu ya ukandarasi na hakua na mamlaka yeyote katika kazi hiyo.

Mapema taarifa zilizo zagaa zilidai mchina huyo alijiua kutokana na kuona ujenzi wadaraja umekuwa mgumu.

Mwili wa kijana huyo wakichina amesafirishwa jana kwenda dar es salaam.

ENDELEA KUFUATILIA BLOG HII PICHA ZA MATUKIO MBALI MBALI  COMING SOON