MSANII KUTOKA MAHENGE ADAIWA KUIBA WIMBO.

MSANII KUTOKA MAHENGE  ULANGA MOROGORO,ADAIWA KUIBA WIMBO.

Msanii mchanga wa musiki wa kizazi kipya alimaarufu kama bongo fleva Yang Simple ambaye ametamba na wimbo wake wa muda bado, hivi karibuni amedaiwa kukopi wimbo huo kutoka kwa msanii mwingine aliyetajwa kwa jina moja la Tomas.

Akizungumza na ulanga fm kwa njia ya simu, kupitia kipindi cha joto la jumamosi kinacho rushwa kila siku ya jumamosi meneja wa kampuni ya sweet production jijini dare s salaam Wills  amesema kuwa amepokea taarifa za msanii huyo kukopi wimbo huo ambao alidai ni utunziwake yeye mwenyewe.

Meneja huyo amedai kuwa amesikitishwa na kitendo hicho kwakuwa msanii tom ambaye ndiye mmiliki halali wa wimbo huo,aliujumuisha wimbo huo katika albamu yake ambayo inatarajia kuachiwa hivi karibuni.

Kwa upande wake yang simple mapema alisema wimbo huo ni utunzi wake isipokuwa biti hanauhakika kama haina mtu kwakuwa biti hiyo aliikuta imeshatengenezwa.

Hata hivyo baada ya kubanwa na maswali yang simple ambaye alifadhiriwa na mtu aliye fahamika kwa jina la Eddo, alikiri kuwa wimbo huo aliukuta kwa produsa ambaye ni rafiki yake aliye mtaja kwa jina moja la Kona, na kwamba walibadirisha baadhi ya maneno na kuurecord kwa gharama ya shilingi 40,000 huku producer huyo akimwambia kuwa wimbo huo ni deal na uwe siri yao.

Hali hiyo imejitokeza wakati wimbo huo ukifanya vizuri katika vituo mbalimbali vya redio, na kuwapa mshutuko baadhi ya mashabiki wa msanii huyo.

Akizungumza kwanjia ya simu jumatatu hii yang simple amesemama kwa sasa anaachana kwa muda na masuala ya muziki na kujikita katika masomo kwa kuwa yupo kidato cha nne na kumtaka radhi meneja wa kampuni ya sweet kwa hali iliyo jitokeza na kuomba wimbo huo usipigwe tena katika vituo vya radio.

Naye meneja wa kampuni hiyo amesema kuwa anawaomba wasanii wachanga kuacha mara moja tabia ya kukopi nyimbo zisizo zao kwakuwa kufanya hivyo ni kosa kisheria.