BAADHI YA HABARI KATIKA TAARIFA YA HABARI YA ULANGA FM USIKU HUU

                                

Halmashuri ya wilaya ya ulanga mkoani morogoro wametoa shukrani kwa shirika la utangazaji lisilo la kiserikali la UINGEREZA  BBC MEDIA ACTION kwa kuwapatia msaada wa vifaa ikiwemo lapto mbili pamoja na maranzi kwa ajili ya kurekodia vipindi vya Radio ulanga kwa ubora.

Hayo yamebainishwa hii leo na kaimu mkurugenzi wa halmashauri bwana Benedict Mabula kwenye ukumbi wa paulin katika siku ya Radio Open Day.

Hata hivyo bwana Mabula ameongeza kua mbali na misaada hiyo pia amewashukuru kwa kuwapatia huduma kwa upande wa mawasiliano ambayo inasaidia katika upokeaji wa simu wa awali kabla ya kuruka hewani,kwa ajili ya wasikilizaji ambao wamekua wakitumia vibaya muda wa hewani.

Aidha kaimu mkurugenzi amewataka watangazaji wa radio ulanga kuvitunza vifaa hivyo katika hali nzuri ili viweze kutumika katika kuboresha vipindi katika maeneo mbalimbali.

f/mtemangani                                                                          ulanga

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Shughuli za uchomaji  mkaa zinaadhiri kwa kiasi kikubwa hali ya mazingira wilayani ulanga mkoani morogoro.

Hayo yamesemwa Afisa Misitu wilayani  hapo Gerard Kauki wakati akizungumza redio ulanga fm juu ya hali halisi ilivyo baada ya misitu kuharibiwa wilayani hapo.

Bw Kauki amesema kuwa uharibifu huo unatokana na wananchi kutofuata kanuni za uchomaji mkaa na kutofahamu kuwa uchomaji mkaa unaharibu mazingira hususani misitu inayowazunguka.

Aidha Afisa Misitu huyo amesema kuwa  mikakati yao ni kuwataka wananchi kujiunga katika vikundi ili kijisajili kwa shughuli hiyo ya uchomaji mkaa na sio kuchoma kiholela ka wanavyofanya hivi sasa.

Michael